Издательская деятельность
Гістарычны нарыс распавядае пра самую старажытную вёску Бялавічы ў Івацэвіцкім раёне. Нарыс, грунтуецца на друкаваных і архіўных матэрыялах, распавядаецца пра гісторыю унікальнага храма — Бялавіцкай Свята-Ільінскай царквы.
Матэрыялы зацікавяць чытача, які цікавіцца беларускай мінуўшчынай: краязнаўцам, бібліятэкарам, настаўнікам, вучням агульнаадукацыйных школ.
Кожная з беларускіх старонак багатая на літаратурную памяць. Як, напрыклад, і Целяханскі край.
“Паэты і пісьменнікі Целяханшчыны” – спроба расказаць пра тых людзей, якія нарадзіліся або жывуць у гарадскім пасёлку і сваёй творчасцю робяць наш куток крышку прыгажэйшым. Менавіта ім, таленавітым паэтам і пісьменнікам Целяханшчыны, прысвечаны прапанаваны артыкул.
У дайджэсце сабраны успаміны сведкаў той страшнай вайны, расказаныя жыхарамі Івацэвіцкай зямлі.
Матэрыял размешчаны ў храналагічным парадку. Дайджэст адрасаваны шырокаму колу чытачоў.
Асноўнымі крыніцамі для напісання дапаможніка паслужылі краязнаўчая картатэка, артыкулы з газет.
“Паўс
танец з Косаўшчыны: Тадэвуш Касцюшка” : бібліядайджэст / скл. бібліёграф Л. С. Джэжора. – Івацэвічы : Івацэвіцкая цэнтральная раённая бібліятэка імя П. Пестрака, 2021. - 28 с.
Дадзены выпуск дайджэста раскажа аб жыцці і дзейнасці славутага сына нашай старажытнай беларускай зямлі Андрэя Тадэвуша Банавентура Касцюшкі, пазнаёміць Вас з цікавай гісторыяй Марачоўшчыны. У дайджэст уключаны біяграфічныя матэрыялы, артыкулы з мясцовых выданняў, бібліяграфія.
Бібліядайджэст складаецца з наступных раздзелаў:
- Біяграфія Тадэвуша Касцюшкі.
- Кароткі біяграфічны каляндар.
- Мястэчка Косава і Марачоўшчына.
- Дом-сядзіба Тадэвуша Касцюшкі.
- Жанчыны ў жыцці Т. Касцюшкі.
- Тадэвуш Касцюшка ў беларускім мастацкім слове.
- Памяці Т. Касцюшкі.
Літаратурныя таленты Івацэвіччыны : уражэнцы i жыхары г. Івацэвічы, Івацэвіцкага раёна : краязнаўча - біябібліяграфічны дапаможнік / ДУК “Івацэвіцкая раённая бібліятэчная сетка”, Аддзел абслугоўвання і інфармацыі : склад. Джэжора, Л. С. - Івацэвічы, 2020. - 86 с.
Гэта выданне — настольны дапаможнік для ўcix, хто цікавіцца мастацкім словам роднага краю. У iм змешчаны артыкулы пра жыццё i дзейнасць пісьменнікаў—землякоў, што нарадзіліся i жывуць на Івацэвіччыне, якія цалкам або часткова звязаны жыццём і дзейнасцю з нашым краем.
Гістарычны нарыс распавядае пра вёскі Вяда, Красніца, Тупічыцы, Бабровічы, Зыбайлы Зацішша Івацэвіцкага раёна, знішчаныя разам з жыхарамі ў перыяд Вялікай Айчыннай вайны і складаецца з гістарычных дадзеных, успамінаў сведкаў тых дзён, якія сталі ахвярамі жорсткай вайны. Матэрыялы зацікавяць краязнаўцаў, бібліятэкараў, настаўнікаў і могуць быць выкарыстаны пры рабоце па патрыятычнаму выхаванню дзяцей і моладзі.
